Qeveria e Republikës Çeke, po përballet me shifra rekord të rasteve me koronavirus. Qeveria miratoi një sërë masash që e izolojnë vendin për të ndaluar përhapjen e virusit.
Kryeministri Andrej Babis tha se, masat e reja përfshijnë, mbylljen e të gjitha dyqaneve jo të domosdoshme, si edhe kufizimin e lëvizjes së njerëzve vetëm për qëllime të domosdoshme, si puna, familja apo blerja e ushqimeve.
“Para së gjithash, ne duhet t’i mbrojmë jetët e qytetarëve”, tha Babis, për të shtuar se masat do të hyjnë në fuqi nga data 22 tetor.
Vendimi vjen pasi Çekia njoftoi se, gjatë 24 orëve të kaluara ka regjistruar 11,984 raste të reja me koronavirus , një shifër kjo rekord. Republika Çeke, vend me 10.7 milionë banorë, ka konfirmuar në total mbi 190,000 raste me koronavirus – mbi 120,000 prej tyre vetëm gjatë tri javëve të para të tetorit.
Shifrat e Ministrisë së Shëndetësisë, të publikuara të mërkurën, tregojnë se numri i viktimave nga koronavirusi në Çeki është rritur për 106, përkatësisht në 1,619, në 24 orët e kaluara.
