Festat shpërndajnë paqe dhe dashuri, si dhe sjellin një frymë lumturie në zemrat dhe shtëpitë tona. Dhe të gjithë jemi angazhuar për të krijuar atmosferën perfekte në ambientin ku jetojmë.
Mënyra e dekorimit është personale, por të gjithë jemi në një mendje kur flitet për shkëlqimin e kristaleve.
Duke siguruar një vend ideal për miqtë, Pema e Krishtlindjeve është kryesorja në dekorimin e stilit të dhomës ku qëndron. Për një atmosferë të ndritshme dhe tërheqëse, të famshmit kanë propozuar zbukurueset me kristalet e pastër “Swarovski”, me detajet e së kuqes dhe jeshiles.
Ngjyrat i zgjedhim që t’i përshtaten arredimit dhe personalitetit tonë. Ndërsa e kuqja nuk i mungon Pemës së Krishtlindjeve, duhet të zgjedhim mes ngjyrës së akullt apo asaj të florinjtë.
E bardhë si bora
Ngjyra e bardhë është para së gjithash ngjyra e dëborës në dimër, stina që përkon me festat e fundvitit. Simbolikisht, ajo përfaqëson pastërtinë dhe paqen në kulturat e shumë vendeve të botës.
Ashtu si Bella Thorne ka zgjedhur këtë ngjyrë për Pemën e saj të Krishtlindjeve, ne besojmë se i jep një tjetër kuptim ambientit ku jetoni.
Yjet dhe dekorimet në formën e globeve të dëborës janë gjithmonë pjesë e pemës. Ju mund të zgjidhni t’i shtoni dizajnët e këmbanave apo të Babagjyshit të Vitit të Ri, të gjitha të realizuara nga kristalet “Swarovski”.
E artë
Ngjyra e artë i jep më shumë ndjenjën e luksit dhe më shumë ngrohtësi ambientit tuaj. Gjithashtu këto objekte dekoruese me kristalet “Swarovski” janë një ide e mirë për dhuratë këtë fundvit, të cilat i gjeni në dy dyqanet e tij në Qendrën Metropol, rr. “Sami Frashëri” dhe në TEG.
Në fakt është një ritual për të blerë çdo vit para Krishtlindjeve një objekt i ri dekorues, pasi prania e diçkaje të re zbukuruese besohet se sjell fat.
Burimi: Iconstyle.al
