Nëna e Dua Lipës, Anesa Lipa, feston sot ditëlindjen. Artistja ndodhet prej kohësh larg familjes duke qenë se jeton me Anwar Hadid dhe kështu ka vendosur që të ëmën ta surprizojë me një urim emocionues. Ajo ka ndarë në Instagram para miliona ndjekësve disa foto të saj shumë të ëmbla nga fëmijëria ku shihet me të ëmën dhe disa të tjerë të shkrepura vitet e fundit.
Në urimin e saj Dua shkruan se falë të ëmës është kjo që është sot dhe se nuk do të ishte vetvetja pa të.
“Mama! Gëzuar ditëlindjen! Ti je gruaja më e fortë që kam njohur me zemrën më të madhe në botë. Të të shihja ty, njeriun që ti je, të mbushur me dashuri, kujdes, mirësjellje dhe empati teksa unë rritesha më ka bërë kjo që jam sot. Faleminderit për çdo sakrificë që ke bërë për të gjithë ne. Nuk do të isha unë pa ty! Të dua dhe shpresoj të kalosh ditën më të bukur”, shkruan Dua në urimin e saj.
View this post on Instagram
“Të dua dhe më mungon shumë”, i është përgjigjur e ëma, teksa i ka komentuar sërish në shqip “Të dua”.
Ndërkohë kujtojmë se ditën e sotme, Dua Lipa njoftoi se ka shtyrë sërish turneun në Evropë. Për shkak të kufizimeve që vazhdojnë ende në Mbretërinë e Bashkuar ajo është detyruar të shtyjë turneun që ishte planifikuar gjatë muajve shtator dhe tetor.
