Me siguri të gjithë e mbani mend sherrin e bujshëm mes repereve Cardi B dhe Nicki Minaj, që tejkaloi çdo kufi dhe ato u përplasen fizikisht. Edhe pse tashmë kanë kaluar disa javë nga sherri duket se reperet nuk kanë ndër mend të ndalojnë me diss-et kundrejt njëra –tjetrës.
Si fillim ishte Nicki Minaj ajo që nxorri në treg linjën e veshjeve me shprehjen: “Nicki u përpoq të më ndalonte karrierën”, shprehjen që Cardi B kishte përdorur për të sulmuar atë.
Tani duket se është momenti që Cardi B të nxjerrë këngën diss ndaj rivales së saj. Por një pjesë nga ekipi i saj nuk janë dakort për të gjithë tekstin e këngës pasi mendojnë se thjesht do i shtojë famën Nicki-t duke e vendosur në qendër të vëmendjes, ndërkohë që ajo thuajse e ka eklipsuar suksesin e Minaj.
Ndërkohë, Cardi dëshiron ta nxjerrë diss-in ashtu siç është , por mbetet të shohim se çfarë do të ndodhë…
