Supermodelja Cara Delevingne vazhdon të na mahnitë me stilin e saj në tapetin e kuq gjatë promovimit të filmit “Valerian and The City of a Thousand Planets”.
Ajo që na pëlqen kaq shumë është thjeshtësia e kostumit të saj klasik, Burrbery, kombinuar me aksesorin më të bukur që kemi parë të frymëzuar nga bizhuteritë e vjetra britanike.
Për të vazhduar më pas me flokët e saj të shkurtër ngjyrë platini të zbukuruara nga një shirit i thjeshtë, e cila për më tepër i nxjerr në pah tiparet karakteristike të saj.
Si përfundim sandalet e dekoruara me gurë nga Rachel Katz dhe Graziela Gems, i falën edhe më shumë hijeshi pamjes së saj.
Duke folur për kohën e saj të suksesshme në qendër të vëmendjes së modës, ajo tha për Radio Times:
“Nuk më pëlqen vetja si modele. Nuk më pëlqente vetja, sesi po më shndëronte modelingu”.
