Cara Delevingne shfaqej më e lumtur se kurrë që kur nisi të dilte me këngëtaren 33-vjeçare St Vincent, 11 muaj më parë.
Ndërkohë duket se supermodelja duket se është gati për t’i çuar gjërat në një tjetër nivel, ndërsa u shfaq duke i propozuar star-it amerikan në Paris.
23-vjeçarja, e cila u kthye nga modele në aktore, u ul në gjunjë në majë të Kullës Eiffel, sipas disa turistëve në qytetin e dritave.
“U preka shumë. Duket se Cara dëshiron t’i bëjë gjërat në mënyrë tradicionale” u shpreh një turist për “Daily Mail”, ndërsa nuk ishte e qartë nëse veprimi ishte një shaka apo serioz.
Një dëshmitar tjetër tha se dy vajzat ndodheshin në një prej ashensorëve të Kullës Eiffel dhe mundi të dallonte qartë Carën e cila u ul në gjunjë për t’i propozuar të dashurës së saj.
Supermodelja 23-vjeçare dhe St Vincent, emri i vërtetë i së cilës është Annie Clarke, janë në një lidhje që prej marsit të vitit të shkuar.
Burimi: Daily Mail
