Modelja e njohur Cara Delevingne nuk e ka aspak problem të flasë për jetën e saj seksuale dhe orientimin për të cilin flet me krenari.
Cara e identifikon veten panseksuale dhe mendon se gjithmonë do të jetë e tillë.
Për të gjithë ata që nuk e dinë, të jesh panseksual do të thotë të mos tërhiqesh nga gjinia por vetëm nga personi, pa marrë parasysh nëse ai është mashkull apo femër. Pra, orientimi seksual apo identiteti gjinor nuk ka aspak rëndësi për ta.
Modelja pranoi se bie në dashuri me personin dhe gjithmonë e ka ndjerë këdo me të cilin/cilën ka qenë e lidhur.
“Unë mendoj se panseksualiteti është arsyeja pse kam prirjen ta mbaj jetën time private shumë më shumë tani, sepse ajo gjë publike mund të shkatërrojë shumë gjëra. Krenaria për mua është një ndjenjë për diçka që nuk e kam pasur kurrë si fëmijë. Një ndjenjë krenarie është si ndjenja e përkatësisë, një familje jashtë familjes tënde. Unë mendoj se kurrë nuk jam ndjerë sikur i përkisja ndokujt si fëmijë. Ose gjithmonë jam ndjerë sikur të mos përkas në trupin tim. Ndihesha kaq e humbur.”- ka rrëfyer Cara.
Së fundmi, Delevingne i dha fund lidhjes 2-vjeçare me partneren e saj Ashley Benson dhe mediat e huaja kanë shkruar se Cara po e vuan ndarjen.
Ajo nuk është parë në shoqërinë e askujt tjetër, ndërsa Benson u fotografua në krahët e reperit G-Eazy dhe u aludua për një romancë të re.
