Si shumë artistë të tjerë të showbiz-it shqiptar, edhe reperi Capital T ka menduar për fansat e tij këto ditë të vështira izolimi.
Për të na e bërë më të lehtë kohën në karantinë, Kapo solli më herët këngën “Flex”, pjesë e albumit të tij “Skulpturë”.
“Flex” ishte dashuri me dëgjim të parë për publikun, të cilët sigurisht kanë pritur akoma më shumë nga reperi.
Ndaj, Capital T ka vendosur “ta lëshojë dorën” e të publikojë sërish një projekt të ri, gjithashtu pjesë e albumit që do të publikohet shumë shpejt.
Ende nuk dihet se cili është titulli i këngës dhe data e publikimit të tij, megjithatë videoklipi është gati dhe fansat janë në pritje të lançohet nga momenti në moment.
Siç reperi tregon në llogarinë e tij në Instagram, kjo këngë është një ndër të preferuarat e tij, duke na bërë akoma më shumë kuriozë ta dëgjojmë.
“S’ka mundësi! Ni single tjeter me video prej albumit “SKULPTURE” e 3ta me radhe po vjen… ????”- shkruan Kapo krahas postimit.
https://www.instagram.com/p/CAIT-jThwKV/
Në fund të vitit 2019, reperi tregoi se albumi i “gdhendur” me aq dashuri e përkushtim prej tij, “Skulpturë”, do të lançohej në fillim të vitit 2020.
Emergjenca Covid-19 duket se e ka penguar paksa publikimin e tij, megjithatë diçka është e sigurt!
Vepra “Skulpturë” do të jetë shumë shpejt publike dhe këngët e punuara me aq kujdes do të kthehen në hite si gjithmonë!
