Pasi bëri lëmsh rrjetin me vajzën modele në klipin e tij të ri, Capital T lançoi këngën “Je t’aime” e cila po pritej me padurim nga publiku.
Ky projekt erdhi si një dhuratë për të dashuruarit në ditën e Shën Valentinit, ndërsa klipi është xhiruar në qytetin e dashurisë, në Paris.
Me “Je t’aime”, Kapo i erdhi në ndihmë kujtdo që kishte nevojë t’i thonte dikujt “Të dua”, mirëpo pas klipit romantik erdhi edhe një version shumë “funny” nga reperi.
Ditën e sotme, teksa udhëtonte në avion drejt një destinacioni ende të paditur, Capital T po dëgjonte sigurisht këngën e tij të re.
Mirëpo, u shkrimë së qeshuri kur pamë kujt ia dedikoi Kapo fjalën “Je t’aime”.
Ai filmoi një bletë në posterin e ngjitur para tij, ndërsa videon e shoqëroi me emoji duke qeshur.
Më herët, Capital T ka treguar se është single dhe për të gjitha vajzat në merak, kënga “Je t’aime” nuk i dedikohet askujt përveç fansave të tij të dashuruar (sigurisht, edhe bletës).
