Aktori i njohur turk, Can Yaman ditën e djeshme ka bërë një vizitë më Madrid të Spanjës.
Para se të mbërrinte ai njoftoi ndjekësit e tij në rrjetet sociale për këtë vizitë dhe duket se nuk e ka menduar se mund të shkaktonte ndonjë ‘incident’.
Teksa ka mbërritur në aeroport me qindra fanse e kanë pritur në dalje dhe pamjet flasin vetë.
https://www.youtube.com/watch?v=2AWwUbF3NX8
Fansat e tij kishin bllokuar aeroportin dhe u desh ndërhyrja e policisë që të shpërndaheshin.
Disa prej tyre bënin rezistencë, pasi dëshironin me ngulm të takonin aktorin preferuar.
Në një deklaratë të tij, aktori me origjinë shqiptare tregoi se policët u nervozuan dhe nuk e lejuan të qëndrojë më gjatë me njerëzit.
“Faleminderit shumë Madrid, kjo është me të vërtetë e çmendur, një turmë e madhe në aeroport. Policia kishte një kohë shumë të keqe, ata u nervozuan shumë duke u përpjekur të më ndihmonin, përndryshe do t’i kisha përqafuar të gjithë, më vjen keq për ndërprerjen e tyre”, shprehet Can.
