Aktori turk Can Yaman ka kërkuar falje pas deklaratës për kolegun e tij Kivanc Tatlitug.
Ai kishte sulmuar më parë aktorin Tatlitug, duke thënë se ata nuk ishin të të njëjtit kalibër, dhe nuk kishte arsye të konkurronte me të.
Kjo deklaratë e aktorit u pa si absurde në një kohë që Tatlitug gëzon më shumë famë dhe ka arritur më shumë në karrierën e tij të aktrimit sesa Can.
Por ylli i serialit “Zogu i hershëm” tani i ka kthyer mbrapsht fjalët e tij dhe i kërkoi falje Tatlitug, duke thënë: “Unë nuk do të thosha që nuk ishte i rëndësishëm, dhe pendohem për të gjitha ato që thashë. Sigurisht që Kivanc është një yll i madh”.
Ai vazhdon më pas: “Sjellja ime ishte me të vërtetë e pavend, unë nuk duhet ta nënvlerësoja atë pasi ai ka qenë gjithmonë shumë i suksesshëm”.
Kivanç Tatlitug është bërë i njohur në Shqipëri nga një sërë rolesh në telenovela si “Gymysh”, “Dashuri e ndaluar”, “Xhesuri dhe e bukura” etj. Ndërsa Can Yaman u bë i njohur me telenovelën “Zogu i hershëm”.
Të dy aktorët kanë deklaruar origjinën e tyre shqiptare.
