Camila Cabello dhe Shawn Mendes janë kthyer në personazhet më të komentuar në media.
Prej kohësh ata janë përfolur për një marrëdhënie të mundshme, megjithatë deri pak më parë nuk kishin konfirmuar asgjë.
Por mesa duket është dashur të vijë ditëlindja e Shawn që historia e tyre e dashurisë të bëhet publike.
Ka qenë vetë Camila, ajo e cila nëpërmjet një postimi në Instagram ka pranuar lidhjen dhe për më tepër i ka shprehur edhe dashurinë personit të zemrës.
“Gëzuar ditëlindjen njeri i mrekullueshëm. Të dua”, shkruan këngëtarja.
Camila dhe Shawn janë përfolur për një lidhje të mundshme që pas bashkëpunimit të tyre në këngën “Senorita”.
Në klipin e këngës ata shfaqeshin shumë të afërt dhe shkëmbenin skena intime. Mesa duket kaq ka mjaftuar dhe në zemrat e tyre nisën shkëndijat e para.
