Dikur, ishte si traditë që pasi konkurronin në spektakle bukurie, Miss-et i dedikoheshin karrierës në fusha të ndryshme të spektaklit si prezantimi dhe veçanërisht muzika.
Kështu ka ndodhur me Zaimina Vasjarin
Çiljeta Xhilagën
Morena Tarakun
Kush për showbiz e kush për seriozisht, sot janë aktorët e humorit ata që po i hyjnë biznesit të muzikës sepse, përse jo?
Ata janë shumë të dashur për një pjesë shumë të madhe të publikut kështu që pak a shumë, suksesi është i garantuar cilado qoftë kënga që publikojnë.
Këtë e provoi Bes Kallaku, i cili 8 vite më parë kur shumë e thërrisnin Gjini, publikoi këngën “Katunari Gangsta” me të cilën i fiksoi njerëzit.
Që atëherë, Besi ka publikuar shumë klipe të tjera, si përshembull bashkëpunimi i famshëm me Ylli Bakën, “Baftjar” që u kthye në një hit ahengjesh.
“Skifterja” me Klajdi Harunin, po ashtu.
I fundit është bashkëpunimi me këngëtarin e muzikës popullore Dani, “O Bir”.
Olsi Bylyku
Gjatë kohës kur luante në “Portokalli”, Olsi Bylyku e shprehte kudo në intervista se ishte rritur duke dëgjuar hip hop dhe se i pëlqente shumë muzika.
Në mars të vitit të kaluar, publikoi klipin e tij të parë, “Kush jam”.
Por talentin e tij në hip hop e morën vesh të gjithë vetëm kur ishte i ftuar në “Top Show” në prill të vitit të kaluar, ku me një rep super të shpejtë imitoi disa nga reperët më të njohur.
Pas largimit nga “Top Channel” dhe afrimit drejt televizionit “Klan”, Olsi Bylyku vendosi të marrë pjesë tek “Kënga Magjike” në bashkëpunim me Lorenc Hasramën tek kategoria e të rinjve.
Kënga e tyre “Si të flas” ishte ndër më të pëlqyerat e publikut. Ata u vlerësuan me çmimin “Magjia e Parë”.
Visjan Ukcenaj
Aktori që u bë i njohur tek “Apartamenti 2XL” që tashmë quhet “Duplex”, provoi për herë të parë me muzikën para dy vitesh.
Me nofkën “VUKMAN”, Ukcenaj bashkëpunoi me Big Basta-n për një këngë me titull “Kastro Zizo”.
Që atëherë, në kanalin e tij në Youtube ka publikuar disa këngë.
Më e fundit është “S’ka si ti”, një këngë për të birin.
Delinda Disha
Aktoren e Portokallisë, Delinda Disha, do ta shikojmë shumë shpejt si këngëtare në një bashkëpunim me Devis Xherahun.
Këtë e paralajmëruan në rrjetet sociale, ku publikuan posterin dhe një pjesëz nga kënga e re. (shiko këtu)
