Ish-konkurrentja e “Për’puthen 2”, Melisa po bën disa kohë që është ndarë me Andin pasi kishin një lidhje shumë të përfolur dashurie.
“E penduar deri në pikë të fundit! U kry!”, shkruante ajo kur zyrtarizoi ndarjen me Andin. Më pas dyshja kanë fshirë fotot e njëri-tjetrit nga rrjetet e tyre sociale duke i konfirmuar thashethemet.
Duket se Melisa ka hequr përfundimisht dorë nga Andi dhe po njeh dikë të ri. Melisa ka realizuar një trend në “TikTok”, me një video që bëhet vetëm nga çiftet. Videoja është realizuar me këngën “STFU” të Digga D, ku Melisa ka sinkronizuar buzët dhe djali bëhet pjesë me dorën e tij.
@melisa_lleshi
Më herët, Melisa është pyetur nëse teksti i këngës së fundit të saj ka qenë një dedikim për Andin?
“Kënga është shkruar për të gjitha vajzat. Po ta analizosh këngën, çdo fjali apo çdo dy fjali është një histori ndryshe dhe nuk besoj që ka vajzë që pas ndarjes nuk e gjen veten në atë këngë”, tha Melisa dhe duket qartë që përgjigjja është jo.
E pyetur se cila ka qenë arsyeja e ndarjes së saj me Andin dhe si po e kalon këtë periudhë post-ndarje Melisa tha se kjo ishte më e mira për të dy.
“Sepse ishte më e mira(Ndarja). Ishte e kam thënë dhe po e them dhe do vazhdoj ta them, unë meritoj më shumë. Tani kam kohën time për muzikën, ai ka kohë për të bërë gjithë gjërat e tij dhe i uroj më të mirat. Jam nonstop në studio me kolegët e mi, jam dhe me bashkëpunime. Më ka ndihmuar shumë muzika. Ishte një derë për mua ‘Për’Puthen’. Po tani i jam futur shumë me kokë, po i marr gjërat me zor.”
