Çdo femër e dashuruar pas së bukurës, që lufton për të gjetur ngjyrën e përsosur të buzëkuqit “nude”, duhet të dijë se e ka pasur përgjigjen gjatë gjithë kohës me vete.
Kjo nuk është shaka, pasi sipas ekspertëve, gjetja e ngjyrës ideale të buzëkuqit “nude” është aq e lehtë sa të shikosh nën këmishën tënde dhe të dallosh thithkat e gjoksit që, sipas tyre, kanë ngjyrën e përsosur për lëkurën tuaj.
Në një përpjekje për të shpjeguar me më shumë detaje teorinë e çuditshme, Dr. Travis Stork tregoi se gjithka varet tek natyra kur bëhet fjalë për atë që do të plotësojë tonin tuaj të lëkurës.
Përputhja e ngjyrës së të kuqit të buzëve me atë që ju ka falur nëna natyrë, nuk është një koncept krejtësisht i ri. Në vitin 2015, blogu i bukurisë xoVain testoi disa gra, të cilat u befasuan kur zbuluan se hijet e tyre të preferuara “nude”, ishin shumë të përafërta me ngjyrën e thithkave të gjoksit.
