Zgjidhni bikinit e duhura, nga trupat me formë, deri tek trupat sportivë.
Kemi vendosur t’i japim fund frikës dhe frustrimit që vjen me blerjen e rrobave të reja të banjos. Do ju japim disa këshilla të mira dhe të përshtatshme për çdo lloj trupi, nga ata me forma, deri tek atletët, si dhe opsionet më të përshtatshme për fizikun tuaj. Dëshironi të dini se çfarë duhet të kërkoni për veten? Gjeni kostumin më të përsosur që të mos e urreni kohën e blerjes së rrobave të banjove përsëri!
-Trupat si dardhë: ju jeni me forma tek ijet dhe pak më të mbedhura në pjesën e sipërme si Beyonce, Jennifer Lopez dhe Jennifer Love Heëitt. Çelësi për rroba banjo perfekte është balancimi i proporcioneve dhe mbulimi i duhur për pjesën e ijeve e poshtë. Për t’u dukur mire, zgjidhni bikini me një copë fundi sipër që “maskon” vetëm të pasmet dhe prek pak kofshët. Shmangni bokserat në stilin e djemve dhe bikinit e poshtme me llastik shumë të gjerë. Pëlhura shtesë vetëm sa do të tërheqë më shumë vëmendjen në zonën që ju jeni duke u përpjekur për ta eleminuar.
-Bust i madh: ju jeni me gjoks të gjerë. Kërkohet më shumë mbështetje që të rrinë në formën e duhur si Brooklyn Decker, Katy Perry dhe Sofia Vergara. Nëse jeni të mbushura sipër, atëherë ju bëjnë punë një palë me mbështetëse të mirë. Duhet zgjedhur një kostum me kupa dhe lidhëse (tip reçipetash). Në këtë mënyrë merrni “bazamentin” që ju tregon bukur. Qëndroni larg dekoreve dhe gurëve në pjesën e bikinit të sipërm nëse ju jeni duke shpresuar për të hequr fokusin nga gjoksi. Sa më të forta të jenë lidhëset e rrobave të banjos, aq më rehat do të jeni. Eksploroni kostume me masën e reçipetave tuaja të zakonshme, përfshirë edhe stilet që shkojnë në masën D-ë të cilat janë specialw për të mbajtur një bust të madh.
-Busti i vogël: në mënyrë proporcionale, ju jeni me të vogla në pjesën lart me një kupë A ose B-ë, si Kate Hudson. Ajo çfarë duhet të shihni për një gjoks të vogël, është kompleti me diametër më të vogël, kështuqë ju mund të kërkoni për stile me mbulim më minimal apo detaje (gurë ose pjesë të thurura); modele për të krijuar iluzionin e një gjoksi më të madh. Format e bikinit me trekëndëshat ta japin këtë koncept, ashtu sikurse dhe printimet e theksuara ose pjesët e detajuara. Një bust i vogël lejon që juve të vishni copëza të vogla, madje edhe nga ato pa lidhëse, si bikini me stil bust. Provojini këto!
Trupat atletikë: ju keni një trup të drejtë dhe me pak kthesa, si Cameron Diaz, Jessica Biel dhe Jennifer Aniston. Ja se çfarë ju përshtatet: Ca lojëra që mund të bëni për krijimin e linjave të harkuara në trup: kostume me pak mbulim për të dhënë idenë e një figure me forma. Pjesa lart dhe ajo e poshtme me printime të theksuara, bikinit me dizenjo (prerje të veçantë) dhe dizenjimet me gurë i shtojnë mister dhe dhunti femërore. Rroba banjot trup me dizenjo e prerje të ndryshme, krijojnë kthesa të pabesueshme. Sa më e vogël të jetë pjesa e poshtme e bikinit, aq më të plota do duken të pasmet. Njësoj veprohet edhe me truporet të cilat janë me lidhëse te pjesa anësore dhe krijojnë rrumbullakësi.
-Trupat me bark: ju jeni të ndërtuara në formë molle dhe mbani peshë më së shumti tek mesi. Nëse preferoni të mbuloheni, atëherë zgjidhni një kostum trupor ose stilet trend të kësaj vere 2015-të; mbathje me shtat të lartë që vijnë pak të ngushta dhe ju mbledhin barkun. Këshillohet një copë e qepur me rrudha të mbledhura. Janë perfekte. Ky model të krijon bel. Nëqoftëse keni peshë të akumuluar në pjesën e barkut, provoni një kostum retro me bel të lartë dhe rregullojnë pamjen.
-Të harkuara: Jeni “curvy”, me një bust të plotë, ije, kofshë dhe prapanicë si Christina Hendricks, Scarlett Johansson dhe Kim Kardashian. Ajo çfarë duhet për t’i reduktuar, është të siguroni një mbështetje dhe mbulim të mirë. Nëse ju nuk jeni të prirura për ekzagjerimin e formave tuaja, atëherë rrini larg rroba banjove trupore (nga ato me forma jo klasike) ose bikinit në formën e tangave me një lidhje të trashë te pjesa e llastiku. Ato mund të nxjerrin në pah zonat tuaja edhe më të gjera sesa janë. Janë plot sharm kostumet asimetrike, pjesa lart me lidhje në qafë duke theksuar linjën e bukur të një gruaje me kavikul të adhurueshme. “Colorblocking” mund të ndihmojë për të nxjerrë në pah format e fizikut, njësoj si me kostumet retro (bikini me bel të lartë dhe boksera me lak).
*Publikuar në revistën “ICON”, nr. 4
