Këngëtarja me origjinë shqiptare, Eleni Foureira, pas suksesit që arriti me këngën “Fuego” në Eurovizion ku përfaqësoi Qipron, tashmë ka nisur një tur me koncerte në shtete të ndryshme të Europës.
Tashmë kënga e saj dëgjohet kudo dhe po renditet e para në top listat muzikore. Së fundmi Eleni ka qenë në një koncert në Spanjë nga ku ka publikuar në Instagram edhe një foto. Me këtë postim Eleni falënderon publikun spanjoll për mikpritjen.
Të shumë janë fansat që e kanë komplimentuar Elenin në këtë foto, por në sy bie komenti i këngëtarit Butrint Imerit.
“Miss Greqia”, i komenton Butrinti Elenit.
Pikërisht ky koment ka shkaktuar zemërimin e fansave, të cilët kanë shpërthyer në të shara ndaj Butrintit duke i kujtuar se Eleni është shqiptare.
Butrini Imeri dhe Eleni Fouriera pak vite më parë kanë bashkëpunuar së bashku për këngën “Delicious”.
