Ndërkohë që studentët vijojnë ngujimin Brenda fakulteteve, kryeministri ka dhënë një lajm për të gjithë përfituesit e bursave.
Sipas kreut të qeverisë, duke nisur nga dita e hënë, në çdo sekretariat të universiteteve do të ketë dy përfaqësues të ministrive të Financave dhe të Arsimit.
Lajmin e bëri të ditur Kryeministri Edi Rama, me anë të një postimi në Twitter.
Sipas kreut të qeverisë, këta përfaqësues do të jenë aty “për të asistuar studentët që duan shpjegime apo duan të adresojnë probleme specifike, lidhur me zbatimin e VKM mbi tarifat e bursat brenda Janarit”.
Një grup studentësh të Ekonomikut dhe Juridikut vazhdojnë të qëndrojnë të ngujuar në fakultetet përkatëse, ndërsa shpesh kanë pasur edhe episode përplasjesh me policinë.
