Jennifer Lopez dhe Ben Affleck u takuan për herë të parë në vitin 2001 në xhirimet e filmit të tyre “Gigli”, ndërsa Lopez ishte ende e martuar me burrin e saj të dytë, Cris Judd.
Pasi ajo dhe Judd u ndanë në vitin 2002, ajo filloi të takohej me Affleck dhe ata u fejuan menjëherë. Megjithatë, ata u ndanë në vitin 2004, duke thënë se ishte shumë e vështirë për të pasur një marrëdhënie në sytë e publikut.
Para se të rindizte romancën e saj me Affleck, Lopez ishte fejuar me Alex Rodriguez. Ata u ndanë në mars 2021.
Sigurisht, Lopez nuk vonoi të kthehej në krahët e dashurisë së saj të vjetër dhe më të fortë në fakt. Ndjenja e tyre i rezistoi kohës dhe çdo sfide, ndaj ata vendosën t’i thonë PO njëri-tjetrit duke u kurorëzuar me martesë.
Siç u bë e ditur kudo në media, Lopez vendosi të ndryshojë mbiemrin e saj, duke marrë atë të bashkëshortit. Pra, tashmë ajo është Znj. Jennifer Affleck.
Doni të shihni certifikatën e martesës që i ndryshoi mbiemrin? E keni më poshtë.
Ndryshe nga herën e parë, kësaj here propozimi ishte fare i thjeshtë dhe pa asnjë mundim. Por Jennifer Lopez e cilëson si gjënë më romantike në botë. Ndodhi një të shtunë mbrëma teksa të dy rrinin së bashku në shtëpi dhe këngëtarja po relaksohej në vaskë.
“Të shtunën në mbrëmje, në vendin tim më të preferuar (vaska), dashuria ime e bukur u ul në gjunjë dhe më propozoi. Për mua ishte tërësisht e papritur dhe thjesht e pashë në sy, buzëqesha dhe nisa të qaj duke menduar në kokën time sesi pas 20 vitesh, kjo po ndodhte sërish. Nuk i ktheva përgjigje fare, por ai e kuptoi dhe tha: “Ta marr si ‘Po’”? Patjetër që ishte një po!
Isha kaq e lumtur sa lotët më rridhnin në faqe. Nuk kishte asgjë luksoze tek ai propozim, por ishte gjëja më romantike që mund të imagjinoja ndonjëherë. Ishte një mbrëmje e qetë e një të shtune në shtëpi, kur dy njerëz premtuan se do të jenë gjithmonë aty për njëri-tjetrin. Dy njerëz me shumë fat, që i erdhi një shans i dytë për të përjetuar dashurinë e vërtetë!”- tregoi ajo e emocionuar.
