Dy nxënës të moshave 12-vjeçare, janë helmuar nga tymi i kaldajës me të cilën ngroheshin, në shkollën Krajkë të Bulqizës.
Mësohet se ngjarja ka ndodhur pak më parë në shkollën 9-vjeçare “Godvi”, ku vajza dhe djali fillimisht kanë shfaqur shenja të këputjes së trupit dhe marrje mendsh.
Ata janë transportuar me ambulancë drejt spitalit të Bulqizës ku po marrin edhe ndihmën e parë mjekësore.
Vajza e helmuar është nisur me urgjencë drejt Tiranës për një trajtim më të specializuar mjekësor.
