Ju duket Bruno i Threedots si turk në këtë foto?!
Pasi disa kolegë të tij dhe ashtu si edhe fansat, mendojnë se këngëtari ngjan shumë me personazhet turke që shfaqen në serialet televizive. Bruno publikoi një foto bardhë e zi, ku shfaqej me mjekër teksa mbante kokën ulur. Fotoja do të jetë e një periudhe më të hershme sepse këngëtari nuk shfaqet me flokët e shkurtër bjondë, por duket me flokë të zinj dhe pak më të gjatë se zakonisht.
E ndërsa kolegia e tij Artjola Toska, me të cilën konkurroi në “Kënga Magjike”, e cilëson si “Arkadash” që nënkupton mik në gjuhën turke, Bes Kallaku i ka gjetur edhe sozinë!
Në komente, Besi e krahason këngëtarin me personazhin më të ri turk të televizionit “Klan”, atë të “Mehmet Pushtuesit”.
Bruno ka zgjedhur të mos përfshihet aspak në komente, por të shijojë suksesin e publikimit të bashkëpunimit me Florin dhe Getoarin, këngën me titull “Mori”.
