Bashkimi Evropian ka organizuar sot në Bruksel një Konferencë të Donatorëve ndërkombëtarë, për të mbështetur përpjekjet e Shqipërisë për rindërtim, pas tërmetit që goditi vendin në fund të nëntorit.
Konferenca është organizuar nga Presidentja e Komisionit Evropian, Ursula von der Leyen, e cila u ka bërë thirrje të gjitha vendeve që të ndihmojnë Shqipërinë.
Pas konferencës Von der Leyen ka bërë me dije se Bashkimi Evropian ka dhuruar për Shqipërinë 115 milionë euro, 15 që në ditët e para pas tërmetit dhe 100 milionë sot në Konferencën e Donatorëve.
Po ashtu dhe vendet e tjera që kanë marrë pjesë në konferencë kanë bërë me dije shumën që dhuruan.
Për Shqipërinë është kaluar shuma dhe me grante, projekte dhe hua, vlera nga Konferenca ka arritur në mbi 1 miliardë euro, aq sa është edhe fatura financiare e dëmeve nga tërmeti i 26 nëntorit që shënoi 51 viktima në Shqipëri, qindra të plagosur dhe mijëra të pastrehë.
Ja shifra që dburuan disa nga shtetet:
BE: 115 milionë euro
Gjermania: 11 milion euro
Suedia: 5.6 milion euro
Britania e Madhe: 1 milion paund
Kroacia : 1 milion euro
Kosova: 200 mijë euro
Italia: 65 milionë euro
Turqia: 46.3 milionë euro
Franca dhuron 100 milionë euro për Shqipërinë dhe 60 milionë hua
Greqia do të ndërtojë 200 shtëpi në Shqipëri dhe 2.5 milionë euro
Danimarka: 2 milionë euro
Holanda: 3 milionë euro
Polonia: 2.7 milionë euro
Sllovakia: 250 mijë euro
Serbia: 2 milionë euro
Finlanda: 300 mijë euro
Austria: 1 milionë euro
Çekia: 9.5 milionë korona (380 mijë euro)
Hungaria: 250 mijë euro (për rindërtimin e kishave katolike)
Rumania: 420 mijë euro
Bullgaria: 100 mijë euro
Luksemburgu: 100 mijë euro
Mali i zi: 500 mijë euro
Spanja: 25 mijë euro
Irlanda: 300 mijë euro
Bosnja-Hercegovina: 50 mijë euro
Emiratet e Bashkuara: 70 milionë euro (shtëpi)
Grupi i bankave islamike për zhvillim, 365 milionë euro.
