Brukseli i ka dalë kundër Holandës dhe vendimit të saj për të rikthyer vizat për shqiptarët.
Report Tv raporton se Komisioni Europian është shprehur që pas vlerësimit të situatës aktuale, Shqipëria nuk plotësohen mekanizmat për pezullimin e vizave.
“Pas një vlerësimi të kujdesshëm të përmbajtjes së njoftimit të marrë nga Holanda dhe bazuar në informacionin në dispozicion dhe të dhënat përkatëse, Komisioni vlerëson se në situatën e tanishme nuk janë rrethanat për të aktivizuar mekanizmin e pezullimit të vizave”, thuhet ndër të tjera në përgjigjen e KE-së për kërkesën e Holandës.
Më 16 prill Holanda miratoi në parlament një rezolutë, të cilën ia dërgoi KE-së duke i kërkuar që të pezullojë lëvizjen e lirë për shqiptarët për dy arsye, e para nivelin e kriminalitetit dhe e dyta fluksin e emigrantëve të paligjshëm, të cilët kërkojnë edhe azil.
Porme sa duket, pas shqyrtimit të kërkesës, Komisioni Europian e hodhi poshtë.
