Dashuria e parë është e vështirë të harrohet! Kështu lë të kuptohet këngëtarja Britney Spears lidhur me marrëdhënien e saj të njohur me Justin Timberlake.
Ish-çifti i shumëpërfolur u nda pasi Britney u akuzua se e kishte tradhtuar këngëtarin dhe aktorin me koreografin e saj.
Ish-princesha e muzikës pop u pyet në një konferencë, se me cilin artist do të kishte dëshirë të bashkëpunonte dhe ajo u përgjigj se i mungon ende një bashkëpunim me gjeniun e muzikës, vokalistin e Aerosmith, Steven Tyler.
Por kjo nuk ishte gjithçka, pasi fill pas kësaj shtoi se edhe Gwen Stefani dhe Justin Timberlake janë fantastikë në atë që bëjnë.
“Aerosmith duket shumë i mirë dhe i shkëlqyer. Mendoj se është gjeni. Ai këndon nga shpirti. Gwen Stefani, mendoj se është e mrekullueshme. Justin Timberlake është shumë i mirë”, tha Britney. Fansat e çiftit mund të tronditen nga lajmi se ajo do të ribashkohet me 35-vjeçarin pas kaq shumë vitesh.
Ata u takuan kur xhironin bashkë për “Disney’s Mickey Mouse Club” dhe nisën një lidhje në moshën 17-vjeçare, pasi të dy u bënë yje të muzikës pop. Tani presim reagimin e Justin Timberlake!
Burimi: Daily Mail
