Britney Spears është fotografuar për herë të parë pas daljes nga klinika e psikiatrisë, ku u shtrua muajin e kaluar pas disa problemeve me shëndetin mendor.
Ajo shoqërohej nga i dashuri i saj Sam Asghari, kur doli nga hoteli Montage në Beverly Hills të dielën pasdite, gati një muaj pasi u shtrua në spital.
37-vjeçarja kishte veshur një fustan të kuq, megjithatë nuk dukej në formën më të mirë gjatë përballjes me paparacët që po e prisnin jashtë.
Partneri i saj Sam dukej protektiv ndërsa qëndronte para Spears, duke e mbrojtur atë nga blici i aparatit të fotografëve.
Britney Spears vuante prej pak kohësh nga shqetësime të rënda emocionale.
Këngëtarja 37-vjeçare ishte e shqetësuar për përkeqësimin e shëndetit të të atit Jamie Spears, i cili iu nënshtrua një operacioni të menjëhershëm në janar, pasi pësoi një çarje në zorrën e trashë.
