Britney Spears ishte e ftuara e radhës në emisionin e njohur “Carpool Karaoke”, që zhvillohet në makinë. Këngëtarja tha se ajo dëshiron të ketë tre fëmijë të tjerë, por ndërkohë “ka hequr dorë nga meshkujt”.
34-vjeçarja këndoi se “gjithçka që ajo dëshiron është një tjetër fëmijë”, duke shtuar se ajo dëshiron tre pasardhës të tjerë.
“Dua më shumë, tre të tjerë. Unë duhet të gjejë mashkullin e duhur fillimisht dhe më pas ti e di…”, tha këngëtarja.
Ndërsa moderatori James Corden e vazhdoi fjalinë: “Ti thuash atij që do të bëhet babai i tre fëmijëve?”.
Këngëtarja e konfirmoi duke thënë se, “Gjithçka që ajo do është një tjetër fëmijë”. Ajo është tashmë është nëna e Sean Federline, 10 vjeç dhe 9-vjeçarit Jayden James Federline.
Dy fëmijët e saj erdhën në jetë pas martesës së saj të dytë me Kevin Federline, me të cilin qëndroi nga viti 2004 deri në 2007-n.
Corden e pyeti këngëtaren se çfarë kërkon në mashkullin e radhës, ndërsa ajo u përgjigj: “Unë mendoj se nuk do të shkoj pas meshkujve më ose të martohem, unë thjesht kam hequr dorë nga meshkujt. Unë mund të puthem me dikë, por nuk do të martohem me askënd. Nuk besoj më te martesa”.
Më tej Corden e pyeti për hitin e saj ndërkombëtar, “Oops I Did It Again”, “Për çfarë është ajo kënga?”. “Nuk e di, mendoj se është thjesht një këngë”, tha Britney. “Sa herë që porosis një picë unë mendoj, “Ups e bëra sërish”, shtoi moderatori.
Lidhur me jetën në shkollë, Spears tha se ajo ishte me nota shumë të mira, por në vitin e parë është cilësuar si “çapkëne”. “Isha e traumatizuar”, kujton këngëtarja.
Burimi: Daily Mail
