Ndryshe nga çdo ditë e zakonshme, rrugët e Britanisë së Madhe ishin bosh, e të gjithë qytetarët prisnin me padurim dhe plot ankth ndeshjen Angli – Suedi.
Tashmë që Anglia triumfoi në ndeshjen kundërshtare me Suedinë dhe kaloi në gjysmëfinalen për Kupën e Botës, qytetarët kanë pushtuar rrugët kryesore duke festuar.
Në disa video të postuara në rrjetet sociale, ata shfaqen të papërmbajtur, teksa ngjiten mbi makina dhe bllokojnë trafikun, duke brohoritur se “Kupa e Botës, po vjen në shtëpi”.
Në videon e dytë, ata godasin autobuzin e kuq dy-katësh, teksa mbajnë plot krenari flamurin e Anglisë.
Ndërkohë festa vijon edhe në Rusi! Lojtarët e skuadrës së Anglisë kanë festuar pranë familjarëve.
