Detaje të reja janë zbardhur nga vrasja e 36-vjecarit shqiptar Flamur Beqiri, i cili njihej në Londër vitet e fundit si producent me emrin Alex.
Tabloidi britanik “Daily Mail” shkruan se Beqiri ishte një ndër njerëzit më të kërkuar në Suedi, pasi dyshohej si i përfshirë në trafik droge duke qenë kreu i një grupi të gjerë kriminal.
Ai kishte vetëm pak minuta që kishte mbërrtur në shtëpinë e tij 1.8 milionë paund, nga një mbrëmje familjare në vigjiljen e Krishtlindjes, kur u qëllua me breshëri plumbash nga një person i paidentifikuar, i cili u largua në këmbë.
Vrasësi u largua në drejtim të paditur, ndërsa Beqiri mbeti i vdekur i mbuluar nga gjaku i tij, ndërkohë që bashkëshortja e tij, Debora Krasniqi, bërtiste për ndihmë. Pavarësisht përpjekjeve nga një infermiere që jetonte afër dhe një ekip mjekësor, Beqiri u shpall i vdekur në vendngjarje.
E gjithë kjo situatë ka kaluar poshtë hundës së autoriteteve, shkruan “Daily Mail”, ndërsa thekson titullin “A bëri Britania një sy qorr?”.
Por e kaluara e Beqirit nuk ka qenë aq e pafajshme!
Sipas tabloidit britanik, Beqiri qëndroi shumicën e kohës në arrati derisa iu dorëzua policisë dhe më vonë u la i lirë pas një situatë të çuditshme ligjore që përfundoi me një dënim me kusht dhe një gjobë.
Pasi u lirua sipas policisë suedeze Beqiri dhe bashkëpunëtorët e tij rifilluan tregtinë e fitimprurëse të drogës por shpejt u përfshinë në një betejë për territore me grupet rivale turke që kontrollonin rrugët e kokainës dhe kanabisit nga Maroku, përmes Spanjës, deri në qytetin Malmo ku jetonte Flamur Beqiri.
Si pasojë e përplasjeve mes bandave disa nga njerëzit e shqiptarit u sulmuan dhe vitin e kaluar njëri prej tyre u vra.
Në këtë kohë 36-vjeçari u transferua në Londër pas dy kërcënimeve me vdekje në vitin 2015. pasi u vendos në Britani ai frekuentoi ambiente VIP ndërsa një nga motrat e tij, Misse Beqiri, ish-modele u martua me portierin rezervë të Manchester United Anders Lindegaard, dhe dy vjet më vonë luajti në një show televiziv.
Beqiri jetonte në një lagje VIP-ash
Në fillim çifti mori me qira një apartament në Regent Park. Më pas ata u zhvendosën në një shtëpi në Hampstead, përpara se të blinin një shtëpi të madhe me katër dhoma gjumi në Battersea Church, shumë pranë shkollës ku studionte Princi George dhe Princesha Charlotte.
Shtëpia, e regjistruar tani në emrin e bashkëshortes së Beqirit Debora, kushtoi 1.7 milion £ në shtator 2017.
Pasi e rregulluan shtëpinë e tyre luksoze të ëndrrave, ata zyrtarizuan lidhjen e tyre, duke zhvilluar një dasmë në Itali, dhe duke i akomoduar të ftuarit në dhomat e një hoteli që kushtonin 600 paund nata (lexo këtu).
/Daily Mail
