Shtëpia e familjes së gazetares Klodiana Lala është qëlluar me breshëri plumbash në orët e para të mëngjesit të sotëm.
Persona të paidentifikuar kanë vënë në rrezik familjen e saj dhe dy vajzat e mitura që në momentin e sulmit, ndodheshin brenda në banesë.
Edhe pse familja e gazetares ndodhej brenda në momentin e sulmit, fatmirësisht nuk ka të lënduar.
Aktualisht po punohet për identifikimin e autorëve ndërsa është marrë në mbrojtje gazetarja. Klodiana Lala ka reaguar për CNA.al dhe ka konfirmuar sulmin, por nuk ka dhënë detaje të tjera.
“Sulmi është i vërtetë, nuk dua të flas për mediat, por pres ta zbardhin institucionet”, ka thënë Lala.
Vetë gazetarja Klodjana Lala, ka thënë për zyrën e shtypit të Unionit të Gazetarëve se sulmi është një “tentativë e pastër për ta frikësuar atë dhe ka ndodhur për shkak të detyrës së saj si reportere”.
Kjo ngjarje dëshmon edhe njëherë se fjala e lirë në Shqipëri është e kërcënuar dhe se reporterët kanë nevojë për mbrojtje për të ushtruar një të drejtë që është kushtetuese.
