Kanye West ka surprizuar në mënyrën më fantastike të mundshme bashkëshorten e tij duke i dhuruar një shtëpi gjigande për Krishtlindje.
41 – vjeçari i tejkaloi pritshmëritë me super shtëpinë “Faena House” në Miami, me vlerë 14 milionë dollarë.
Në fotot e publikuara shtëpia duket një hapësirë e pabesueshme në ndërtesën 18-katëshe, në afërsi të plazhit, e arreduar në mënyrë të përsosur sipas stilit modern.
Shtëpia është 437 metra katrorë dhe sipas raportimeve ka katër dhoma gjumi, pesë banjo dhe një tarracë super të madhe.
Sipas një burimi Kim dhe Kanye kanë qenë duke parë pronën muajin e fundit dhe tani janë gati të mbyllin kontratën për ta blerë atë për 14 milionë dollarë. Shitja pritet të mbyllet në janar.
Duket se dyshja e famshme ka arritur të ketë një marrëveshje të mirë, pasi shtëpia ishte fillimisht në treg për 15.5 milion dollarë.
