Aktori i famshëm i Hollivudit Johnny Depp ka nxjerrë në shitje shtëpinë e tij në Los Angeles për 12.7 milionë dollarë.
Shtëpia përrallore tregon dashurinë që aktori ka për artin, përfshi pikturën murale të artistëve brazilianë, OSGEMEOS, që është e vendosur në të gjithë murin e dhomës së ngrënies.
Kjo është një ndër banesat më të veçanta dhe më të pazakonta që mund të keni parë ndonjëherë. Në këtë shtëpi janë të bashkuar tre anekse nën çati që përfshijnë një hapësirë shumë të madhe. Njëra nga to është shndërruar në studio arti ndërsa tjetra është shndërruar në suitë për të ftuarit.
Shumë piktura dhe orendi shumë të shtrenjta dhe krejtësisht unike, mund të gjenden në banesën e aktorit. Depp, i cili vetëm kohët e fundit u zhvendos nga banesa, e bleu apartamentin në vitin 2007, menjëherë pasi ndërtesa u shndërrua nga një dyqan veshjeje dhe mobilie.
Banesa në Los Angeles është një nga pronat e shumta në pronësi të Depp, i cili zotëron një shtëpi në Francë dhe një tjetër në Venecia.
Burimi: CNN
