Dita e sotme është shumë speciale për këngëtarin e mirënjohur të muzikës shqiptare të njohur gjerësisht si Bruno.
Ai feston ditëlindjen e tij të 30-të. Tashmë zyrtarisht në prefiksin “3”, këngëtari ka organizuar një festë me miqtë e tij të zemrës. Në këtë ditë të veçantë për të nuk kishte si të mungonte këngëtarja Filloreta Raçi, e njohur si Fifi.
Ajo ishte e pranishme, madje ndau edhe video nga festa, duke na treguar kështu disa copëza nga ditëlindja e Brunos.
Në video duket moment ku kolegu tjetër i tij, Klajdi Haruni i këndon Brunos këngën e ditëlindjes. Muzika, alkooli, nuk munguan për të festuar siç duhet ditëlindjen e tij të 30-të.
Kujtojmë që prej disa vitesh tashmë, Bruno dhe Klajdi kanë formuar një dyshe muzikore mjaft të pëlqyer. Ata kanë korrur suksese me këngët e tyre dhe janë të angazhuar me koncerte gjatë gjithë vitit.
Ishte hiti në bashkëpunim me Elvana Gjatën “Love Me” ai që e bëri Brunon të njohur për publikun shqiptar. Pas këtij momenti sukseset e tij nuk kanë ndaluar.
“Oj Lulije” është bashkëpunimi i Brunos dhe Klajdit i publikuar 3 vite më parë, i cili ka bërë namin duke u dëgjuar kudo. Këtë e tregojnë edhe klikimet në platformën “Youtube”, ku kënga deri më tani numëron 18 milion klikime.
