Ajo i la të gjithë fansat e modës me gojë hapur në festën e Burberry në Javën e Modës në Londër, e veshur e gjitha në të bardha.
Kendall Jenner dukej e mrekullueshme me një pelerinë të Burberry, mbrëmjen e së hënës, kur u bashkua me modelet e tjera për të festuar.
21-vjeçarja ishte përgatitur për të kaluar një natë të paharrueshme me Bella Hadid, 20 vjeç, Jourdan Dunn, 26 vjeç dhe Winnie Harlow, 22 vjeç.
Ylli i “Keeping up with the Kardashians” ekspozoi linjat e saj për t’u pasur zili, me një fustan të thjeshtë mëndafshi që ekspozonte këmbët e saj të holla dhe pelerinën me kapuç që e bënte të dukej si Borëbardha.
Përveç aksesorëve të zakonshëm si varëset prej ari rreth qafës dhe vathët e mëdhenj, Kendall tregoi një tjetër detaj që e zbukuronte pamjen e saj. Bëhet fjalë për një dhëmb ari që i ndriçonte buzëqeshjen.
Ndërsa Bella Hadid kishte veshur një fustan lëkure të shkurtër që ngjante me një kimono dhe një çizme mbi gju si dhe varësen me kryq rreth qafës. Mbërritja e bukuroshes Hadid ishte e bujshme, pasi ajo pësoi një incident në makinë, ku shfaqi gjoksin në mënyrë të pavetëdijshme, dhe për shkak të dekoltesë së hapur.
*Shfleto galerinë
