Ditën e sotme këngëtarja e dashur për publikun, Samanta Karravella feston ditëlindjen e saj.
Këngëtarja mbush 29 vjeç dhe që në orët e para të datës 9 ajo ka nisur festimet.
Nëpërmjet postimeve në rrjetet sociale Samanta ka zbuluar se kjo ditëlindje e ka gjetur mes familjarëve dhe miqve të saj më të ngushtë në një festë të organizuar në pishina.
Teksa ora ka shënuar 00:00 këngëtarja ka fryrë qirinjtë e tortës dhe më pas festimet kanë vazhduar me muzikë dhe pije.
Në këtë ditë speciale ajo ka marrë shumë urime ku më i veçanti është ai i motrës së këngëtares. Motra e saj ka publikuar në Instagram një video të fëmijërisë së Samantës duke e quajtur atë kukull.
Samanta është prej vitesh pjesë e skenës muzikore shqiptare dhe gjatë kësaj periudha ka qenë mjaft aktive me projekte të reja muzikore. Ndër këngët e saj më të suksesshme mund të përmendim “Na e dina”, “Humbur” ose “Më jeto”.
