Pak ditë më parë ajo tregoi unazat e martesës, pasi kishte zyrtarizuar dashurinë me partnerin dhe babanë e fëmijës së saj të ardhshëm.
Ndërsa është në ditët e fundit të pritjes së ëmbël, këngëtarja Blerina Braka ka vendosur që të organizojë një “baby shower”.
Ajo ndau me ndjekësit e saj në “Instagram” disa foto nga festa me mikeshat dhe familjarët.
Por detajet që na bien në sy janë gjinia e foshnjës që pret dhe emri. E gjithë festa dhe mami i ardhshëm janë veshur me blu, për të sinjalizuar se Blerina pret djalë.
Çifti e ka ndarë mendjen edhe për emrin e vogëlushit, të cilin do ta quajnë Edeil.
Emri i tij është i zbukuruar me lule, ndërsa Blerina Braka pozon e veshur me një fustan bojëqielli.
Mes të ftuarve të festës dallon dhe këngëtarja Anxhela Peristeri, ndërsa një nga momentet më emocionuese duhet të ketë qenë hapja e dhuratave.
Kujtojmë se shtatzënia e saj u mësua nga “Iconstyle.al” në natën finale të festivalit “Kënga Magjike”, më 9 dhjetor të 2017-s. Blerina Braka mori pjesë në festival me këngën “Mirupafshim Dashuri”, e cila i dha çmimin “Çesk Zadeja”.
Burimi: Instagram
