Kylie Jenner vijon të jetë një ndër anëtaret më të komentuara të familjes Kardashian-Jenner. Jo vetëm kaq por ajo së fundmi është vënë në qendër të vëmendjes për jetën e saj luksoze. Avioni i saj luksoz privat ka qenë në fokus në këtë episod të fundit të “The Kardashians”.
Ka qenë Kendall Jenner, ajo që huazoi avionin e së motrës. Në avion u panë dhe mikeshat e saj Hailey Bieber dhe Justine Skye. Por menyja cila ishte? Nga pamjet, u vu re qartë një sallatë pule aziatike, një sallatë Caprese, pulë pa gluten si dhe pije nga tekila e brand-it të Kendall Jenner.
Por sa e bleu Kylie avionin e saj super luksoz? Pikërisht 72.8 milionë dollarë.
Thjesht shikoni luksin brenda avionit
Miliarderja Kylie Jenner, përpos një business-woman e suksesshme , është edhe nënë e dy fëmijëve, dhe është vetëm 26 vjeçe.
Pronarja e “Kylie Cosmetics” solli në jetë djalin e saj me reperin Travis Scott, në muajin shkurt të këtij viti. Ndonëse kanë kaluar disa kohë nga ai moment, në episodin më të ri të “The Kardashians”, Kendall dhe Kylie kanë zhvilluar një bisedë mbi emocionet dhe gjendjen e kësaj të fundit pas sjelljes në jetë të djalit.
Ndër të tjera miliarderja tregoi se ka qarë për tre javë rresht pa pushim ndonëse tani ndihet më mirë.
“Ka qenë shumë e vështirë për mua. Kam qarë pa pushim për tre javë rresht. Është thjesht një trishtim dhe pastaj disi largohet. E pata edhe me Stormin. Qaja aq shumë saqë kur shtrihesha më dhimbte koka”.
Kylie më tej shton: “Unë nuk jam mjeke, por kam lexuar në Google që e quajnë ‘baby blues’ kur nuk zgjat gjashtë javë. Përfundimisht e kisha këtë, pasi fillova të ndihesha më e mirë pas gjashtë javësh. Por, tani ndihem mirë mendërisht, nuk qaj cdo ditë dhe kjo është e mrekullueshme.”
