Pamela Anderson u shfaq në Met Gala të këtij viti, e shoqëruar nga djali i saj i parë, Brandon Thomas Lee. Aktorja, e cila eci në tapetin blu me një krijim të Tory Burch dhe një model të ri flokësh të shkurtër bob, zgjodhi të shfaqej në eventin e modës së bashku me djalin e saj 28-vjeçar.
Kjo nuk është hera e parë që Brandon Thomas Lee e ka shoqëruar nënën e tij në një aktivitet. Të dy ishin shfaqur së bashku edhe në Golden Globes 2025, kur Pamela Anderson u nominua për performancën e saj në filmin “The Last Showgirl”.
Atë natë, ashtu si në Met Gala, i riu Brandon Thomas Lee qëndroi diskret pranë saj, duke treguar marrëdhënien e tyre të fortë.
Brandon Thomas Lee ka lindur më 6 qershor 1996 dhe është djali më i madh i Pamela Anderson dhe bateristit të Mötley Crüe, Tommy Lee. Çifti i famshëm u martua në vitin 1995, pati dy fëmijë brenda dy vitesh dhe u divorcua në vitin 1998.
Brandon dhe vëllai i tij më i vogël, Dylan Jagger Lee, u rritën në Malibu dhe ndoqën një shkollë me konvikt në Kanada.
View this post on Instagram
