Mbrëmjen e kaluar në emisionin “Dua të të bëj të lumtur” një nga historitë që u trajtua, ishte ajo e një vajze nga Tirana që quhej Esmeralda.
Kjo e fundit, rreth moshës 14-vjeçare nëpërmjet rrjetit social Facebook ishte njohur me një djalë dhe më pas braktisi familjen për të jetuar me të në Pogradec.
Pasi celebruan dashurinë e tyre në martesë, me kalimin e kohës u bënë prindër të dy fëmijëve.
Mirëpo gjithçka u kthye përmbys kur Esmeralda zbuloi se bashkëshorti i saj kishte qenë i martuar në Greqi dhe ruante marrëdhëniet me ish-in.
Më pas ajo kishte vendosur që të largohej dhe dikush tjetër kishte hyrë në zemrën e saj.
Esmeralda iu drejtua programit “Dua të të bëj të lumtur” për t’i kërkuar ndihmë vëllait, Ervinit, që të rifitonte fëmijët.
Fillimisht, ai refuzoi të komunikonte me të motrën, ndërkohë pas ndërhyrjes së moderatores, Arbana Osmani, ai vendosi që ta dëgjonte.
“Të kam sjellë këtu që të jemi bashkë dhe të bisedojmë përsëri. Më fal për gabimet që kam bërë, më fal që ika pa ju marrë leje dhe që ika pa ju thënë asgjë. Kam nevojë për ndihmën tënde se tashmë jam vetëm”, tha ajo.
Në fund të emisionit, vëllai i premtoi Esmeraldës që do ta ndihmonte që të bashkohej me fëmijët e saj.
