Modelja Irina Shayk solli në jetën fëmijën e tyre të parë vetëm një javë, para se të nisnin xhirimet e filmit “A star is born”. Pavarësisht se dukej që ishte një periudhë plot tension për Bradley Cooper, nuk do ta kishte dashur të ndodhte në ndonjë mënyrë tjetër.
Aktori 43-vjeçar foli për herë të parë për “W Magazine” për vajzën e tij 17-muajshe Lea De Seine Shayk Cooper dhe partneren e tij.
“Zgjohesha në mëngjes dhe stërvitesha, pastaj kisha dy orë kurs me kitarë dhe dy orë me piano. Dreka. Pastaj bashkëpunëtori vinte nga shtëpia ime dhe shkruanim muzikën për një orë e gjysmë. Unë shkruaja skenarin për pjesën e mbetur të ditës. Asokohe Irina ishte shtatzënë, kështu që ishte gjithçka perfekte. Lea lindi një javë para se të nisnim xhirimet”, tha Cooper, duke iu referuar për herë të parë të bijës dhe partneres së tij, modeles Irina Shayk.
Ai tregon se edhe njerëzit e dashur i thanë që të mos merrte përsipër të drejtonte filmin, në të cilin vendosi të luante krah Lady Gaga-s, por të zgjidhte diçka më të lehtë.
“Fatmirësisht nuk i dëgjova. Më pëlqen që ishte shumë i vështirë të bëja këtë film. Ndryshe nuk do të kishte të njëjtën vlerë. Ky ka qenë qëllimi im: të bëja diçka, pavarësisht sfidave, që do të kujtohet”, shprehet Bradly.
Burimi: Daily Mail
