Nisja e lidhjes së Bradley Cooper dhe Irina Shayk në vitin 2015 u përfol së shumti, por fitoi më shumë vëmendje pas zbulimit të lajmit se çifti ishte në pritje të fëmijës së tyre të parë. Engjëlli i “Victoria’s Secret” u shfaq në pasarelën e Parisit në dhjetor, ku e kishte të pamundur të fshihte barkun e rrumbullakosur.
Ndërsa më vonë u raportua se bota duhet të priste deri në muajin maj për ardhjen në jetë të foshnjës, “People” raportoi dje se çifti ka mirëpritur fëmijën e tyre rreth dy javë më parë.
Që prej fillimit të lidhjes së tyre supermodelja ruse 31-vjeçare dhe aktori 42-vjeçar vendosën që të ishin privat. Ende nuk dihet gjinia e foshnjës, ndërsa përfaqësuesit e dyshes nuk kanë bërë ende asnjë deklaratë.
Burimet e afërta me çiftin dëshmuan muaj më parë se, aktori ishte bërë më mbrojtës ndaj partneres së tij.
I urojmë jetë të gjatë e të lumtur foshnjës, ndërsa mezi presim ta shohim në foto!
Burimi: People
