Brad Pitt po “shërohet” që pas divorcit nga Angelina Jolie, në shtator. Në intervistën e tij të parë pas ndarje për “GQ Style”, aktori zbuloi se po shërohet nga ndarja, duke rregulluar marrëdhënien e tij me fëmijët dhe ka lënë pijen.
Ai gjithashtu zbuloi se po i kushton shumë kohë një hobi të tij të ri: skulpturës. “Nëse nuk po krijoj diçka, atëherë do të krijoj skenarë të papërmbajtur në mendjen time. E kupton, një fund të tmerrshëm”, tha ai.
Por si nisi hobi i tij?
“Shkoj në studion e një shoku që bënë skulptura dhe kaloj shumë kohë atje. Miku im [Thomas Houseago] është një skulptor serioz. Është shumë i sjellshëm. Kam muaj që jam përfshirë në këtë”, sqaroi Brad Pitt.
Aktori u dallua duke u larguar nga shtëpia e mikut të tij mëngjesin e së dielës. Ai mësohet se sapo ka përfunduar punën në një projekt skulpturash bashkë me shokun e tij.
“Bëj gjithçka. Punoj me baltë, allçi, dru. Thjesht përpiqem të mësoj materialet. Po surprizoj veten. Por është një profesion shumë, shumë i vetmuar. Ka shumë punë fizike, e cila është gjë e mirë për mua. Shumë baltë rreth e rrotull, materiale të prera që duhet t’i pastrosh vetë. Por unë befasoj veten”, tha aktori.
Burimi: Harper’s Bazaar
