Angelina Jolie dha intervistën e parë pas ndarjes me Brad Pitt, ndërsa ky i fundit duket se nuk i rezistoi dot deklaratës së saj.
Protagonisti i “Allied” nuk e ka pritur aspak mirë shpërthimin e lotëve të aktores teksa ka folur për ndarjen e shumëpërfolur.
“Brad është zhgënjyer nga intervista e Angelina. Ai nuk mendon se ajo është viktima në gjithë këtë dramë të krijuar. Ajo çfarë Brad kërkon momentalisht është finalizimi i divorcit dhe arritja e një marrëveshje përfundimtare për të takuar fëmijët”, ka thënë një burim për “HollywoodLife.com”.
Në një intervistë të publikuar ditën e diel, Jolie ka folur rreth ndarjes së saj nga Pitt, ku është shprehur:
“Nuk dua të flas shumë rreth kësaj ndarjeje përveçse të them që ishte një kohë shumë e vështirë por ne jemi një familje dhe gjithmonë do të jemi një e tillë. Ishte shumë e vështirë. Shumë njerëz e gjejnë veten e tyre në këtë situatë. E gjithë familja ime ka kaluar një kohë të vështirë. Ne jemi dhe gjithmonë do të jemi një familje dhe kjo është mënyra se si po e përballoj. Po i bëj ballë situatës duke gjetur një mënyrë të mesme dhe duke u siguruar se kjo gjë na bën ne më të fortë dhe më të afërt”.
Burimi: HollywoodLife.com
