Boris Johnson ishte në prag të vdekjes ndërsa luftonte me virusin e frikshëm COVID-19, në reparin e kujdesit intensiv, zbuluan miqtë e tij të shtunën mbrëma.
Por tashmë që ai e ka kaluar rrezikun, Kryeministri raportohet se ka thënë që ua ka borxh jetën mjekëve dhe infermierëve në Spitalin St Thomas në Londër, ku është shprehur: “Nuk mund t’i falënderoj sa duhet”.
Daily Mail zbuloi betejën e jashtëzakonshme që u bë nga bluzat e bardha për të shpëtuar kryeministrin.
Në një moment, gjendja e vështirë e Johnson ishte aq e rëndë saqë ministrat dhe ndihmësit e kabinetit u lutën për të, raporton media.
Ndërsa ishte në spital, Johnson mori një mesazh shprese nga e fejuara e tij, Carrie Symonds, e cila i kishte dërguar një eko të fëmijës që po presin të vijë në jetë.
Duke folur në konferencën e përditshme për shtyp dje, Sekretari i Brendshëm Priti Patel tha: “Është thelbësore që Kryeministri ynë të përmirësohet. Ne duam që ai të bëhet më mirë dhe atij i duhet kohë dhe hapësirë për të pushuar dhe rikuperuar”.
Ministrat janë paralajmëruar që koronavirusi tani po prek më shumë se 15 përqind të shtëpive të përkujdesjes së të moshuarve.
Në Angli janë 78991 persona të prekur me koronavirus dhe 9875 viktima deri tani, 917 prej të cilave në 24 orët e fundit.
