Pak ditë më parë, më 27 mars, kryeministri britanik, Boris Johnson rezultoi pozitiv me koronavirus.
Gjatë kësaj periudhe gjendja e tij shëndetësore ka qenë e mirë, por ditën e sotme raportohet se ai nuk ndihet mirë.
Kryeminitri britanik është futur në oksigjen pasi pas 10 ditësh, ai ka shfaqur komplikacione.
Kjo ka ardhur edhe për shkak se Boris nuk ka pushuar për asnjë ditë, por ka vazhduar të qëndrojë në krye të detyrës.
Edhe pse nga shtëpia, me anë të lidhjeve nga interneti ai ka ushtruar profesionin e tij.
Por, tashmë ai është i shtruar në spital dhe i kanë vendosur oksigjen, pasi ka vështirësi me frymëmarrjen dhe shëndeti i tij po rrezikohet.
Mediat e huaja bëjnë me dije se ai do të qëndrojë në spital për një kohë të papërcaktuar, megjithatë ai do të vazhdojë të kryejë detyrat e tij.
Kujtojmë se pak ditë më parë u tha se edhe bashkëshortja e tij shtatzënë është e infektuar.
