Semi Jaupaj është një këngëtare mjaft e dashur për publikun. Së fundmi, ajo ka qenë e ftuar në “Zemër Luana”, ku ishte pjesë e një loje ku duhet të zbulonte sekrete për personazhe VIP.
Por cfarë sekreti të Bora Zemanit di ajo?
Semi tha se di shumë sekrete të Borës, por nuk preferoi të përgjigjej. Madje, ajo piu edhe shotsin me shije të keqe. Madje edhe kur u pyet për Donaldin, ajo preferoi të mos flasë.
Semi Jaupaj ka qenë e ftuar në “Goca dhe Gra” ku u pyet edhe për rikthimin e Borës dhe Donaldit, ku dukej mjaft e lumtur për dyshen. Mirëpo teksa u pyet nga moderatoret për Borën dhe Donaldin, këngëtarja kishte vetëm dy fjalë për të thënë:
“Nuk dua ta flas më këtë gjë. Thash që është gjë shumë personale dhe çfarë u takon atyre, u takon atyre për të folur dhe jo mua më”.
Ndërkohë Bora Zemani tregoi më herët se ishte futur në “Big Brother Vip” pikërisht për të mbështetur shoqen e saj të ngushtë.
“I kisha thënë edhe Semit që mos më kërkoni sepse nuk vij në “Big Brother.” Ishte situata që ishte krijuar aty brenda. Unë gjithsesi po komentohesha edhe nga Donaldi edhe Semi. Po komentohej edhe për një lidhje mes Semit dhe Donaldit, dhe unë nuk mund ta lejoja dhe vetëm unë mund ta sqaroja. Produksioni më mori dhe më thanë që t’i bëj një surprizë Semit. Hyra dhe pjesa tjetër ishte pjesë e paplanifikuar. Më pyeti produksioni nëse dua ta takoj Donaldin edhe iu kam thënë “jo”, ama nëse Donaldi kërkonte të më takonte mua unë do ta mbështesja.”
