Kim Kardashian u shfaq në tapetin e kuq të “Met Gala” e veshur me fustanin origjinal të Marilyn Monroe të vitit 1962. Por kjo zgjedhje e saj ka ndezur polemika të shumta.
Fustani ikonik ngjyrë mishi që Marilyn Monroe veshi kur ajo i këndoi “Happy Birthday” Presidentit John F. Kennedy ka qenë ndër më të komentuarit e “Met Gala”.
Ndërsa disa e përgëzuan Kardashian për idenë e shfaqjes në gala me fustanin e ikonës, të tjerë u shqetësuan për implikimet e veshjes së fustanit të vërtetë. Historianët e kostumeve dhe konservatorët dënuan veprimin duke e lidhur me dëmin e mundshëm që mund të shkaktonte tek fustani.
Si duket edhe një person tjetër nuk i ka pëlqyer zgjedhjet e Kim. Kz person është stilisti i modës Bob Mackie, i cili vizatoi skicën për fustanin origjinal në karrierën e tij të hershme duke punuar si asistent i Jean Louis .
Gabim i madh. Super i madh
“Mendoj se ishte një gabim i madh,” thotë Mackie.
“Marilyn ishte një perëndeshë. Një perëndeshë e çmendur, por mbetet një perëndeshë. Ajo ishte thjesht përrallore. Askush nuk pozonte si ajo. Fustani ishte bërë për të. Ishte projektuar për të. Askush tjetër nuk duhet të shihej me atë fustan.”
Mackie gjithashtu i bën jehonë shqetësimeve të historianëve se veshja e fustanit ishte padyshim e dëmshme për ruajtjen dhe integritetin strukturor të tij. Ai ishte vetëm 23 vjeç kur bëri skicën e fustanit nën drejtimin e Louis, pa e ditur as se për çfarë shërbente fustani, përveç se ishte një stilim origjinal për Marilyn Monroe.
