Një blog amerikan që njihet si “Fomo Daily”, ka realizuar një video të veçantë me këngëtaret më të njohura shqiptare. Dy vajza kanë hapur profilet në Instagram të këngëtareve, Enca Haxhia, Era Istrefi, Dafina Zeqiri apo Elvana Gjata, për t’i njohur dhe komentuar.
“Kjo qenka seksi”, u shprehën dy blogeret për Enca Haxhian teksa pane nëj foto të saj në vaskë. “Unë do t’i dërgoja një mesazh për t’i thënë se është ok të jesh natyrale”.
Kur i hodhën një sy profilit të Bebe Rexhës, blogeret u çuditën që ajo kishte realizuar tekstin e hitit “Monster” të Rihanna-s dhe Eminem.
Era Istrefi, e famshme prej hitit “Bonbon” fillimisht u tërhoqi vëmendje me look-un e saj por në fund, shumë prej tyre thanë se nuk do të donin ta ndiqnin në Instagram , për shkak të një videoje me një efekt të frikshëm të Snapchat-it.
Më e pëlqyera nga të gjitha këngëtaret është Elvana Gjata, pasi shumica prej tyre thanë se përfundimisht, do ta ndiqnin në Instagram e madje do t’i çonin edhe një mesazh.
