Vendimi i Kinës për të bllokuar performancësn e përfaqësuesit të Shqipërisë në Eurovision ishte shokues.
“Mango TV” bllokoi performancën e Eugent Bushpepës, për shkak të tatuazheve të dukshme, si dhe atë të Irlandës, pasi performanca përfshinte dy kërcimtarë meshkuj, që portretizonin një çift homoseksualësh.
Sipas ligjeve kineze, ndalohet kategorikisht ndjekja e këngëtarëve me tatuazhe dhe atyre që shpalosin simbolet e LGBT-së.
Tani pas lajmit të bujshëm vjen edhe reagimi i parë i festivalit evropian të këngës, i cili mori një vendim drastik.
“European Broadcasting Union” (Bashkimi Evropian i Transmetimeve) ndaloi kanalin e njohur të Kinës “Mango TV”, që të transmetojë konkursin më të madh të muzikës, pasi nuk lejoi transmetimin e përfaqësuesit të Shqipërisë dhe Irlandës në gjysmëfinalen e parë.
“Më 9 maj, televizioni kinez “Mango TV” transmetoi të parën gjysmë-finale të “Eurovision Song Contest 2018”, por dy shfaqje u censuruan. Kjo nuk është në përputhje me vlerat universale dhe përfshirjes së EBU-së në traditën për të festuar diversitetin përmes muzikës. Me keqardhje ne do të ndërpresim menjëherë partneritetin tonë me transmetuesin kinez dhe nuk do të lejojmë të transmetojnë Finalen e Madhe”, thuhet në deklaratën e EBU-së.
