Helikopteri Cougar i Forcës Ajore është nisur drejt Thethit e Shalës për evakuimin e 8 mësuesve te bllokuar në atë zonë.
Ministria e Mbrojtjes sqaron se me gjithë përpjekjet e shumta, ndërhyrja nga toka ka qenë e pamundur.
Kërkesa për ndërhyrje nga ajri është bërë nga prefekti i Shkodrës. Mësuesit ndodhen të bllokuar në Dukagjin për shkak të rënies së sasive të mëdha të dëborës.
Bora ka izoluar me dhjetëra familje në veri. Ndërkohë një 50-vjeçar në Dibër raportohet ka nevojë për ndihmë mjekësore. Bëhet fjalë për 50-vjeçarin Islam Hoxha, i cili sipas familjarëve ndodhet në gjendje të rëndë shëndetësore.
/Ora News
