Në Itali është bllokuar një anije me turistë të huaj për t’u verifikuar në lidhje me ndonjë të prekur nga Koronavirusi vdekjeprurës.
Rreth 6,000 turistë po mbahen “peng” në një anije lundrimi në Itali nga frika se një pasagjer mund të jetë infektuar me Koronavirus.
“Protokolli sanitar” është aktivizuar mes shqetësimeve për shëndetin e individëve që udhëtojnë në anije. Anija arriti në portin italian Civitavecchia të enjten në mëngjes, ku kishte lundruar nga Mallorca.
Korrespondentja e Ora News në Itali, Alba Kepi thotë se janë mbi 700 turistë kinezë në anije e bllokuar në Civitavecchia.
Sipas saj, Italia në vitin 2019 ishte vendi i parë në Evropë me numrin e turistëve kinezë.
Alba Kepi: Në vitin 2019 Italia ishte vendi i parë në Evropë me numrin e turistëve kinezë, janë rreth 6 milionë në vitin 2019. Kjo shifër vjen në rritje. Një nga ndalesat e turistëve kinezë është pikërisht Roma. Në anijen që është ndaluar Civitavecchia janë rreth 700 turistë kinezë, 300 janë imbarkuar nga porti i Savonës.
